ဥက္ကဌ၏ သ၀ဏ်လွှာ

ကျွန်တော်တို့၏ အင်တာနက်စာမျက်နှာမှ ကြိုဆိုပါသည်။ ယခုကဲ့သို့ ဝင်ရောက်ကြည့်ရှုသည့်အတွက် ကျေးဇူးတင်ရှိ ပါသည်။ ကျွန်တော်တို့ရဲ့ website ကို ၀င်ရောက်ကြည့်ရှုခြင်းအားဖြင့် သင်သိလိုသည်တို့ကို အားလုံးသိရှိနိုင်မည်ဖြစ်ပြီး SPA (Myanmar) Ltd အကြောင်းနဲ့ ကျွန်တော်တို့ရဲ့ လုပ်ကိုင်ဖော်တွေအကြောင်းကိုလည်း ပိုမိုသိရှိနိုင်မည်ဖြစ်ပါသည်။

မြန်မာနိုင်ငံ၏ ထိပ်တန်းစီးပွားရေးလုပ်ငန်းစု တစ်ခုအနေဖြင့် နှစ် (၂၀) ကြာ ရပ်တည်ခဲ့ပြီးနောက်၊ ယခုအခါ နိုင်ငံအတွင်း ဖြစ်ပေါ်နေသော စီးပွားရေး၊ နိုင်ငံရေးနှင့် လူမှုရေးပြောင်းလဲမှုများအကြား အချိန်ကောင်းများကို ကြုံတွေ့နေရပြီ ဖြစ်ပါသည်။ အဓိက ကဏ္ဍ (၇) ခုတွင် ကုမ္ပဏီပေါင်း (၄၀) ဖြင့် လုပ်ငန်းလည်ပတ်နေသော မတူကွဲပြားသော စီးပွားရေး လုပ်ငန်းများ စုစည်းထားတဲ့ ကုမ္ပဏီတစ်ခုဖြစ်သည့်အတွက် ကျွန်တော်တို့သည် အနာဂတ်အတွက် နေရာကောင်း တစ်ခု ရရှိပြီး ဖြစ်သည်ဟု ယုံကြည်မိပါသည်။

မြန်မာနိုင်ငံအတွင်း နှစ် (၂၀) ခရီး
၁၉၉၁ ခုနှစ်တွင် ကျွန်တော်နှင့် စိတ်တူသဘောတူ၊ အကြံတူရှိကြပြီး ရှေ့အလားအလာကို ကြိုတင်ရှုမြင်ကြသည့် မြန်မာလုပ်ဖော် ကိုင်ဖက်တစ်စု ကျွန်တော်နှင့်လာရောက်ပူးပေါင်းခဲ့စဉ်ကစ၍၊ ကျွန်တော်တို့ကုမ္ပဏီ SPA (Myanmar) အခြေတည်ခဲ့ခြင်းဖြစ်ပါသည်။ ကျွန်တော် တို့အားလုံးသည် ရရှိလိုသည့် ရည်မှန်းချက်အပေါ် ရှင်းလင်းပြတ်သားသော အမြင်တူရှိခဲ့ကြသည် ဖြစ်ပါသည်။ ယင်းရည်မှန်း ချက် များ အောင်မြင် စွာဆောင်ရွက်ရန် ရဲရင့်သည့် စီမံချက် ရှိသည့် အတွက်၊ Serge Pun & Associates (Myanmar) Ltd. ကို ဖွဲ့စည်းထူထောင်ခဲ့ခြင်း ဖြစ်ပါသည်။ ထို့နောက် ကျွန်တော် တို့၏ အဓိက လူသိအများဆုံး ကုမ္ပဏီ ဖြစ်လာမည် ဖြစ်သည့်၊ မြန်မာနိုင်ငံ၏ ပထမဆုံးသော အများပိုင် ကုမ္ပဏီ တစ်ခုဖြစ်သည့် ပထမရင်းနှီးမြှပ်နှံမှုကုမ္ပဏီလီမိတက် (First Myanmar Investment Co., Ltd., - FMI) ကိုလည်း (၁၉၉၂) ခုနှစ်တွင် ထူထောင်ခဲ့ပါသည်။

ကျွန်တော်တို့၏ ကုမ္ပဏီအုပ်စုသည်၊ သေးငယ်သောစတင်မှုများမှတဆင့် လွန်ခဲ့သည့်နှစ်များအတွင်း တစ်စစ တိုးချဲ့ခဲ့ရာ၊ ယခုအခါ ဒုတိယဆယ်စုနှစ်ကုန်ပိုင်းသို့ရောက်ရှိချိန်တွင် ဘဏ္ဍာရေး၊ အိမ်ယာဖော်ထုတ်တည်ဆောက်ရေး၊ ၀န်ဆောင်မှု၊ စိုက်ပျိုးရေး၊ မော်တော်ယာဉ်လုပ်ငန်း၊ စက်မှုကုန်ထုတ်မှုနှင့် ကူးသန်းရောင်းဝယ်ရေးနှင့် လက်လီရောင်းဝယ်မှုလုပ်ငန်း စသည့် အဓိက ကဏ္ဍ (၆) ရပ်တွင် ဆိုင်ရာစီးပွားရေးလုပ်ငန်းများကို လုပ်ဆောင်လျက်ရှိပါသည်။

ပြောင်းလဲလာမှုများ
မြန်မာနိုင်ငံသည် နိုင်ငံရေး၊ လူမှုရေးနှင့် စီးပွားရေး ဖွံ့ဖြိုးတိုးတက်မှု ခေတ်ဆန်းတစ်ခုသို့ လျှောက်လှမ်းသွားနေပြီဖြစ်ရာ၊ ကျွန်တော်တို့ ကုမ္ပဏီအုပ်စုအနေဖြင့်လည်း ပြောင်းလဲလာမှုများနှင့်အညီ လိုက်လျောမှုရှိရန်နှင့်  ပိုမိုအင်အား ကြီးမားလာရန် ကြိုးပမ်းဆောင်ရွက်သွားမည် ဖြစ်သည်။ ကုမ္ပဏီများအဖွဲ့သည် လက်ရှိတွင် ဗဟိုချက်စီးပွားရေးလုပ်ငန်းများရှိ အရင်းအမြစ်များအား အလေးထားဂရုပြုလျက်ရှိပြီး ကုမ္ပဏီများအဖွဲ့၏ ကော်ပိုရေးရှင်းဆိုင်ရာအုပ်ချုပ်မှု၊ အဂတိလိုက်စားမှုတိုက်ဖျက်ရေး၊ ပတ်ဝန်းကျင်ကာကွယ် ထိန်းသိမ်း ရေးနှင့် ကော်ပိုရေးရှင်းဆိုင်ရာ လူမှုတာဝန်ယူခြင်းဆိုင်ရာ မူဝါဒများအား တင်းတင်းကြပ်ကြပ် လိုက်နာလျက် မတူကွဲပြား သည့် စီးပွားရေးလုပ်ငန်းများ၏ များပြားသည့် အခွင့်အလမ်းများကိုလည်း မျက်ခြေမပြတ် စောင့်ကြည့် လျက်ရှိပါသည်။ ကျွန်တော်တို့ ကုမ္ပဏီသည် ထင်ရှားကျော်ကြားသော ပြည်ပမှ ကုမ္ပဏီကြီးများနှင့်လည်း လုပ်ငန်းတွဲဖက်ဆောင်ရွက်မှု များပြားလာရာ၊ ၄င်းတို့ထံမှ အတတ်ပညာနှင့် လုပ်ငန်းအတွေ့အကြုံများ ရယူခြင်းဖြင့် မြန်မာနိုင်ငံမှ ကမ္ဘာ့စင်မြင့်အလယ် ဝင့်ကြွားလာနိုင်ချိန်တွင် အထောက်အကူ ဖြစ်စေမည် ဖြစ်ပါသည်။

SPA (Myanmar) Ltd. သည် ယင်းထံရှေ့ရှုလာသည့် မည်သည့်စိန်ခေါ်မှုများကိုမဆို ရင်ဆိုင်ရန်အသင့်ရှိနေပြီ ဖြစ်ပါသည်။ ကျွန်တော်တို့တွင်ရှိပြီးဖြစ်သည့် စီးပွားရေးလုပ်ငန်း အတွေ့အကြုံများ၊ မဟာဗျူဟာမြောက် အတွေးအခေါ်၊ လုပ်ငန်းကျွမ်းကျင်မှုနှင့် ကုမ္ပဏီဝန်ထမ်းကောင်းတို့ကြောင့်၊ အခြေအနေကောင်းပေါ်တွင် ရပ်တည်လျှက်ရှိပြီး၊ ယခုနှင့် ရှေ့အနာဂတ်တွင် အောင်မြင်မှုများ ဆက်လက်ဆွတ်ခူးနိုင်လိမ့်မည်ဟု ယုံကြည်ပါသည်။

ကျေးဇူးတင်စွာဖြင့်

 

Serge Pun @ ဦးသိမ်းဝေ
ဥက္ကဋ္ဌ