စီမံခန့်ခွဲရေးဆိုင်ရာမူဘောင်

ဒါရိုက်တာ ဘုတ်အဖွဲ့၏ မူဝါဒ

SPA သည် ပုဂ္ဂလိက ပိုင် ရင်းနှီးမြှပ်နှံမှု ဆိုင်ရာ အစုများ ပိုင်ဆိုင်သည့် ကုမ္ပဏီ ဖြစ်ပြီး အစုရှယ်ယာ အများစုကို Mr. Serge Pun က ပိုင်ဆိုင်ပါသည်။ Mr. Serge Pun သည် ခိုင်မာသောခေါင်းဆောင် မှု၊ ပြတ်သားသော ရည်မှန်းချက်များ ဖြင့် အရေး ပါ သော ကဏ္ဍ မှ ကုမ္ပဏီအတွက် ဆောင်ရွက်လျက်ရှိပါသည်။ SPA ၏ ဒါရိုက်တာ ဘုတ်အဖွဲ့ဝင်များတွင် အဖွဲ့ဝင် ခြောက် (၆) ဦးပါဝင်ပြီး SPA ၏ ယခင် CEO ဖြစ်သော Mr. Martin Pun သည် အမှုဆောင်မဟုတ်သော ဒုတိယ ဥက္ကဌ အဖြစ် ဆောင်ရွက်ပါသည်။ အမှုဆောင်ဥက္ကဌ နှင့် လက်အောက်ခံ ကုမ္ပဏီများမှ CEO များ ၏ တာဝန်များ ၊ အခန်း ကဏ္ဍ များကို ရှင်းလင်းပြတ် သားစွာ ခွဲခြားထားရှိသောကြောင့် လုပ်ပိုင်ခွင့် ကို တစ်ဦးတစ်ယောက် တည်းက ထိန်းချုပ် ထား သော အခြေအနေ မရှိပါ။
ဒါရိုက်တာ ဘုတ်အဖွဲ့ဝင်များသည် စာရင်းစစ်၊ အမည်တင်သွင်းရေး နှင့် ဆုကြေးငွေ ဆိုင်ရာ ကော်မတီ ၏ အများ ပိုင် ကုမ္ပဏီ များအတွက် သတ်မှတ်ထားသော မူဝါဒ များ နှင့် အညီ ငွေရေး ကြေးရေး ဆိုင်ရာ အစီရင်ခံစာများ ကို လေ့လာ သုံးသပ်ခြင်း၊ စည်းမျဉ်း စည်း ကမ်း များ၊ ကျင့်ဝတ်များကို လိုက်နာ ဆောင်ရွက်ခြင်း၊ လက်အောက် ခံ ကုမ္ပဏီများ၏ သက်ဆိုင်ရာ အမှု ဆောင်များ ၏ အရည်အ ချင်းကိုအကဲဖြတ် သုံးသပ်ခြင်း၊ အဓိက အမှုဆောင်များ နှင့် ဒါရိုက်တာ များ အတွက် ဆုကြေးငွေ ဆိုင်ရာပေါ်လစီ ကို ဆုံးဖြတ်ခြင်း စသည်တို့ကို ဆောင်ရွက်ရန် အပြည့်အ၀ တာဝန်ရှိပါသည်။ SPA သည် ပုဂ္ဂလိက ပိုင် ရင်းနှီးမြှပ်နှံမှု လုပ်ငန်း ဖြစ်စေကာမူ ဒါရိုက်တာ ဘုတ်အဖွဲ့ဝင်များ အားလုံး နှင့် အကြီးတန်း စီမံအုပ်ချုပ်သူများသည် ကုမ္ပဏီများ အုပ်စု ၏ ကျင့်ဝတ်တရား၊ မူဝါဒများ နှင့် လုပ်ငန်းစဉ်များ ကို တင်းကြပ် စွာ လိုက်နာပါသည်။
အဓိက ငွေရေး ကြေးရေး ဆိုင်ရာ ဆုံးဖြတ်ချက်များ၊ မဟာ ဗျူဟာများ၊ စီမံကိန်းများ အတွက် လိုအပ်ပါက ဒါရိုက်တာဘုတ်အဖွဲ့ဝင်များ၏ အစည်းအဝေးကို ကျင်းပနိုင်ပြီး SPA ၏ အဓိအစုရှယ်ယာများ အနက်မှ တစ်ဦး ဖြစ်သော သဘာပတိ က ဦးဆောင် ကျင်းပနိုင်သည်။ ဒါရိုက်တာ ဘုတ်အဖွဲ့သည် အများပိုင် ကုမ္ပဏီ များ အတွက် သတ်မှတ်ထား သော ဒါရိုက်တာ အရေအတွက် နှင့် အညီ ဒါရိုက်တာများ ကို နှစ်စဉ် လေ့လာ သုံးသပ်မည်ဖြစ်ပြီး ဒါရိုက်တာ တစ်ဦးချင်းစီသည် စဉ်ဆက်မပြတ် ဆက်ခံနိုင်ခွင့် ရှိစေရမည်။

ဘုတ်အဖွဲ့ ၏အတည်ပြုချက်
ကုမ္ပဏီအုပ်စု၏ ဘဏ္ဍာရေးအခြေအနေ (သို့ ) ၀င်ငွေရရှိမှုကို အကျိူးသက်ရောက်မှုရှိနိုင်သည့် ဆုံးဖြတ်ချက်များအားလုံးကို ဘုတ်အဖွဲ့ မှ ပြန်လည်သုံးသပ်သည်။ ဘဏ္ဍာရေးနှင့်ပတ်သက်သည့် အရေးပါသော ဆုံးဖြတ်ချက်များ၊ နည်းဗျူဟာများ နှင့် ဒေသခံအသိုင်းအ၀ိုင်းပေါ်တွင် အကျိူးသက်ရောက်မှုရှိသော စီမံခန့်ခွဲမှုအဖွဲ့ ဆုံးဖြတ်ချက်အတွက် ဘုတ်အဖွဲ့  အထူးအာရုံစိုက်ရန်လိုသော စီမံကိန်းများ အာလုံးတို့ တွင် ဘုတ်အဖွဲ့ ၏အကြံဥာဏ်များအမြင်များကို ရယူလျက်ရှိသည်။

ဒါရိုက်တာ ဘုတ်အဖွဲ့ဝင်များအတွက် လုပ်ငန်းဝင်သင်တန်း
ကုမ္ပဏီသည် အသစ်ခန့်အပ်သော ဒါရိုက်တာ များကို ကုမ္ပဏီများ အုပ်စု၏ စီးပွားရေး လုပ်ငန်းများ၊ ဒါရိုက်တာ ဘုတ်အဖွဲ့ ၏ လုပ်ငန်းစဉ်များ၊ ဌာန တွင်း အုပ်ချုပ်မှု များ၊ စီမံအုပ်ချုပ် ပုံ အလေ့ အကျင့်များ နှင့် နေသား ကျစေရန် လုပ်ငန်း ၀င် သင်တန်း ကို ကျင်းပပါမည်။ သင်တန်း အစီအစဉ်တွင် လုပ်ငန်းခွင်များ သို့ သွားရောက် လေ့လာ ခြင်း၊ ကုမ္ပဏီများ အုပ်စု၏ စီးပွားရေး လုပ်ငန်းများ အတွက် စီမံခန့်ခွဲမှု ဆိုင်ရာ ဆွေးနွေးတင်ပြ မှု များ ပြုလုပ်ခြင်း၊ မဟာ ဗျူဟာ မြောက်သော အစီအစဉ်များ နှင့် ရည်မှန်းချက်များ ချမှတ်ခြင်း၊ အဓိက စီမံအုပ်ချုပ်သူ များ နှင့် တွေ့ဆုံခြင်း နှင့် ကုမ္ပဏီ လုပ်ငန်း၏ အဓိက နယ်ပယ် များ အကြောင်း အသိပေး ပြောကြားခြင်း တို့ ပါဝင်သည်။

ဒါရိုက်တာ ဘုတ်အဖွဲ့ဝင်များကို သင်တန်းပေးခြင်း နှင့် ဖွံ့ဖြိုးတိုးတက်ခြင်း
ဒါရိုက်တာများသည် နှီးနှောဖလှယ် ပွဲများ၊ ကွန်ဖရင့်များ နှင့် ဆွေးနွေးတင်ပြမှု များကို တက်ရောက်ပြီး လက်ရှိ ဈေးကွက် အခြေအနေ၊ စက်မှု လုပ်ငန်းများ ၏ သတင်းအချက်အလက်များကို အချိန်နှင့် တပြေးညီ သိရှိနေစေရန် ကုမ္ပဏီ၏ ကုန်ကျစရိတ်ဖြင့် ဆောင်ရွက်ရန် တိုက်တွန်းပါသည်။ ကုမ္ပဏီများ အုပ်စုသည် သင့်လျော်သည်ဟု ထင်မြင်ပါက ရန်ပုံငွေ တစ်ရပ် ကို ထူထောင်ကာ ဒါရိုက်တာ များ စဉ်ဆက်မပြတ် တိုးတက်မှု ရှိစေမည့် အစီအစဉ် တစ်ရပ် သို့မဟုတ် သင်တန်းများ ကို စီစဉ် ဆောင်ရွက်သွားပါမည်။

ဒါရိုက်တာဘုတ် အဖွဲ့ဝင်များ ၏ လုပ်ငန်းစွမ်းဆောင်ရည်ကို အကဲဖြတ် သုံးသပ်ခြင်း
ဒါရိုက်တာ ဘုတ်အဖွဲ့၊ ကော်မတီများ နှင့် ကော်မတီ အဖွဲ့ဝင်များ၏ လုပ်ငန်းစွမ်းဆောင်ရည် ကို တစ်နှစ် လျှင် တစ်ကြိမ် အောက်ဖော်ပြပါ အတိုင်း အကဲဖြတ် သုံးသပ်ပါမည်။
(က) အကဲဖြတ်သုံးသပ်သည့် လုပ်ငန်းစဉ် ကို အခြေအနေ တစ်ခုချင်း အပေါ် မူတည်ကာ ဒီဇိုင်းရေး ဆွဲထားပါသည်။
(ခ) ဥက္ကဌ သည် အကဲဖြတ် သုံးသပ်သည့် လုပ်ငန်းစဉ် နှင့် ရလဒ် များ ထိရောက်မှု ရှိစေရန် တာဝန်ယူရမည်။
(ဂ) အကဲဖြတ် သုံးသပ်သည့် လုပ်ငန်းစဉ် တွင် လုပ်ငန်းနှင့် ဆက်စပ်သော အမေးအဖြေ ကဏ္ဍ ပါဝင်ရမည် ဖြစ်ပြီး မည်သည့် လုပ်ငန်း စွမ်းဆောင်ရည် အစိတ်အပိုင်း ကို မြှင့်တင်ရမည်ကို ခွဲခြားသတ်မှတ်ကာ အကဲဖြတ် သုံးသပ်နိုင်ရန် ဒီဇိုင်းရေး ဆွဲရမည်။
(ဃ) အကဲဖြတ်သုံးသပ်သည့် လုပ်ငန်းစဉ် ကို အောက်ဖော်ပြပါ ရည်ရွယ်ချက်များ အတွက် အပြု သဘော ဆောင်သော နည်းစနစ် တစ်ရပ် အဖြစ် အသုံးပြုရမည် -

  • ဒါရိုက်တာ ဘုတ်အဖွဲ့၏ ထက်မြက် မှု ကို ပိုမို မြှင့်တင်ရန်၊
  • အားသာချက်များ ပိုမို အားကောင်းလာစေရန်၊ နှင့်
  • အားနည်းချက်များ ကို ကိုင်တွယ်ဖြေရှင်းနိုင်ရန်။
(င) တစ်ဦးတစ်ယောက်ချင်းကို အကဲဖြတ် သုံးသပ်သည့် ရလဒ်များကို ဥက္ကဌ နှင့် သက်ဆိုင်သူ တို့ သိရှိ သည်မှ တစ်ပါး အခြားသူများ မသိရှိစေရန် လျို့ဝှက် ထိန်းသိမ်းရမည်။

ဆုံးရှုံးနိုင်ခြေရှိမှုများကို စီမံခန့်ခွဲခြင်း
ကုမ္ပဏီများ အုပ်စုသည် ၄င်း၏ နေ့စဉ် လုပ်ငန်းဆောင်ရွက်မှု တွင် ကုမ္ပဏီ ၏ အဓိက အနှစ်သာရ တန်ဖိုးများ၊ စည်းမျဉ်း စည်းကမ်း များ နှင့် ကုမ္ပဏီ အတွင်း အားကောင်းသော ထိန်းချုပ်မှု စနစ်များ အသုံးပြုကာ ဆုံးရှုံး နိုင်ခြေ ရှိသော ကိစ္စ ရပ်များ ကို ဆုံးဖြတ် ရာ တွင် ချင့်ချိန် စဉ်းစားမှု ရှိလာစေရန် ဆုံးရှုံးနိုင်ခြေ ရှိမှု များကို စီမံခန့်ခွဲမည့် ယဉ်ကျေးမှု တစ်ရပ်ကို ထူထောင်၍ အဆင့်မြှင့်တင်ပါမည်။ ကုမ္ပဏီ များ အုပ်စု၏ ဆုံးရှုံး နိုင်ခြေ ရှိမှုများ ကို စီမံခန့်ခွဲမည့် ယဉ်ကျေးမှု ကို ၀န်ထမ်းများ သိရှိလာအောင် ဆက်သွယ် ဆောင်ရွက်ခြင်း၊ အသိပညာ ပေးခြင်း၊ လေ့လာစောင့်ကြည့် ခြင်း နှင့် ဆုံးရှုံးနိုင်ခြေ များ လျော့ ပါးအောင် ဆောင်ရွက်ခြင်း တို့သည် အရေးပါသော လုပ်ငန်းအစိတ်အပိုင်းများဖြစ်ပြီး ကုမ္ပဏီများ အုပ်စု၏ လုပ်ငန်းများ အားလုံး အတွက် ကျင့်သုံးဆောင်ရွက်သွားပါမည်။
အလားအလာကောင်း သော စီပွားရေး လုပ်ငန်း အခွင့်အလမ်းများအတွက် ရင်းနှီးမြှပ်နှံမှု များကို အကဲဖြတ် သုံးသပ်ခြင်း နှင့် အချက်အလက်များ စစ်ဆေးခြင်း တို့ကို ဆောင်ရွက်ပြီး အမှန်တကယ် ရင်းနှီးဆောင်ရွက်ခြင်း မပြုမီ ဖြစ်နိုင်ခြေ ရှိသော ငွေရေး ကြေးရေး ဆိုင်ရာ နှင့် မဟာ ဗျူဟာ ဆိုင်ရာ ဆုံးရှုံးနိုင်ခြေ ရှိမှု များကို ခွဲခြား သတ်မှတ်၍ လျော့နည်း အောင်ဆောင်ရွက်ရမည်။ ထို့အပြင် Group Risk Management Department သည် အဂတိ လိုက်စား မှု တိုက်ဖျက်ရေး ဆောင်ရွက်ချက် နှင့် လိုက်လျောညီထွေရှိစေရန် Annual Internal Audit Program ၏ အစိတ်အပိုင်း တစ်ရပ်အဖြစ် ဆုံးရှုံးနိုင်ခြေ ရှိမှုများ ကို အကဲဖြတ်သုံးသပ်သည့် လုပ်ငန်းတစ်ရပ် (Fraud Risk Assessment) ကို ကုမ္ပဏီများ အုပ်စု တစ်ခု လုံးအတွင်း ဆောင်ရွက်သွားပါမည်။
ကုမ္ပဏီလုပ်ငန်းစုများ၏ material control procedures များကို သီးသန့့် ဖြစ်သော ကုမ္ပဏီ၏ အဓိက ရင်းနှီးမြုပ်နှုံမှုများ မှ သီးခြားစွာ စီမံခန့်ခွဲမှုများလုပ်ဆောင်ကြသည်။ ပိုမိုသိရှိလိုလျင်
Yoma Strategic Holdings Ltd: http://www.yomastrategic.com/html/media_report.php
First Myanmar Investment Co., Ltd: http://fmi.com.mm/annual-reports/
Memories Group: Not applicable yet due to first year of operation.

ဌာနတွင်း စာရင်းစစ် ဆေးခြင်း လုပ်ငန်း
ကုမ္ပဏီများ အုပ်စု ၏ Risk Management Department သည် ဆုံးရှုံးနိုင်ခြေ ရှိမှု များကို ထိရောက်စွာ စီမံခန့်ခွဲမှု ပုံစံ ကို ပိုမို တိုးတက်စေရန်၊ လေ့လာသုံးသပ်ရန် နှင့် အောက်ဖော်ပြပါ လုပ်ငန်းစဉ်များ ပါဝင်သော အုပ်ချုပ်မှု ပုံစံကို ထိန်းချုရန် နည်းစနစ်ကျ၍ စည်းကမ်း ထိန်းသိမ်းသော နည်းလမ်းဖြင့် ကုမ္ပဏီများ အုပ်စု၏ စီပွား ရေး ဆိုင်ရာ ရည်မှန်းချက်များ ပြည့်မြောက်စေရန် ကူညီသည့် အနေဖြင့် ဌာနတွင်း စာရင်းစစ် ဆေးခြင်း လုပ်ငန်း ကို အဓိက လုပ်ငန်း တစ်ရပ် အနေဖြင့် ဆောင်ရွက်ပါသည်။

  • ဌာနတွင်း ထိန်းချုပ်မှု စနစ်ကို အကဲဖြတ် သုံးသပ်ခြင်း၊
  • ထိန်းချုပ်မှု များ တွက် လုပ်ငန်းပိုင်းဆိုင်ရာ/ ငွေရေး ကြေးရေး ဆိုင်ရာ တိုးတက်မှု များ ကို ထောက်ခံ တင်ပြခြင်း၊
  • မူဝါဒများ နှင့် လုပ်ငန်းစဉ်များကိုလိုက်နာမှု ရှိ/မရှိ စစ်ဆေးခြင်း၊
  • ဥပဒေ များ နှင့် ပဋိညာဉ်ဆိုင်ရာ တာဝန်များကို လိုက်နာမှု ရှိ/မရှိ စစ်ဆေးခြင်း၊ နှင့်
  • လုပ်ငန်းများ/ အစီအစဉ်များ၏ ရလဒ်သည် ချမှတ်ထားသော ရည်မှန်းချက်များ နှင့် ကိုက်ညီမှု ရှိ/မရှိ သို့မဟုတ် အစီအစဉ် ချထားသည့် အတိုင်းဖြစ်ပေါ် ခြင်း ရှိ/မရှိ စစ်ဆေးခြင်း။
Risk Management Department သည် ဌာနတွင်း စာရင်းစစ်ဆေးခြင်း လုပ်ငန်း၏ ထိရောက်မှု အတွက် အရေး ပါသော လွတ်လပ်သည့် ဌာန အဖြစ် ရပ်တည်ပါသည်။

စီမံခန့်ခွဲရေးဆိုင်ရာမူဘောင်
SPA ၏ စီမံခန့်ခွဲရေးဆိုင်ရာ မူဘောင်တွင် အောက်ဖော်ပြပါ အချက်များပေါ်မူတည်သည် -

  • Employee handbook
  • Code of conduct
  • Whistle blowing policy
  • Risk management framework
  • Risk-based internal auditing
  • Legal contracts and intellectual property rights
  • IFC performance standards
  • Global Compact and its 10 principles
  • ADB Safeguard Policy Statement
  • United Nations Security Council Resolutions

ဝန်ထမ်းလက်စွဲစာအုပ်မိတ္တူကို အလိုရှိပါက careers@spa-mm.comသို့အီမေးလ်ပေးပို့၍ရယူနိုင်ပါသည်။

United Nations Global Compact – Communication on Progress Report

UN Global Compact – လုပ်ငန်းတိုးတက်မှု အခြေအနေကို အသိပေးခြင်း နှင့် စဉ်ဆက်မပြတ် အကူ အညီ ပေးကြောင်း ဖော်ပြခြင်း Serge Pun & Associates Ltd.နှင့် လက်အောက်ခံကုမ္ပဏီများ (စုပေါင်း၍ ‘ကုမ္ပဏီများ အုပ်စု’ ဟု ခေါ်ဆိုပါမည်) သည် United Nations Global Compact ၏ တက်ကြွသော အဖွဲ့ဝင်ဖြစ်သည်နှင့် အညီ ၄င်း ၏ Ten Principles ကို လိုက်နာ လျက် ၀န်ထမ်း များ အချင်းချင်းဖြစ်စေ၊ ဆက်သွယ် ဆောင်ရွက်သူများ၊ ပြင် ပုဂ္ဂိုလ် များ နှင့် ဆက်သွယ် ဆောင်ရွက် ရာတွင် ဖြစ်စေ အကျိုးစီးပွား တစ်စုံတစ်ရာ ပြန်လည် ရရှိရန် ရည်ရွယ်၍ နိုင်ငံ ရေး ပါတီများ ကို ဖြစ်စေ၊ နိုင်ငံရေး အရ ဖြစ်စေ ငွေထည့်ဝင်ခြင်း၊ အဂတိလိုက်စားခြင်း၊ လာဘ်စားခြင်း မှန်သမျှ၊ မည်သည့် ပုံစံဖြင့် ကျူးလွန် သည် ဖြစ်စေ လုံးဝ လက်မခံ သော၊ သက်ညှာပေးခြင်း မပြုသော စည်းမျဉ်း စည်းကမ်း ကို ကျင့်သုံး ဆောင်ရွက်ပါသည်။
United Nations Global Compact ကို အကောင် အထည် ဖော်ရာတွင် SPA ၏ တိုးတက်မှု၊ လူ့ အခွင့် အရေး၊ အလုပ် အကိုင် နှင့် အဂတိ လိုက်စား မှု တိုက်ဖျက်ရေး အတွက် ကူညီဆောင်ရွက်မှု များ အပေါ် အမှုဆောင်ဥက္ကဌ ဦးသိမ်းဝေ @ Serge Pun ၏ လေ့လာ သုံးသပ်ချက် ကို ကြည့်ရှု လိုပါက UN Global Compact ၀က်ဘ်ဆိုက် ရှိ FMI ၏ အခန်းကဏ္ဍ ကို ဤနေရာ တွင် ကြည့်ရှုနိုင်ပါသည်။

ကော်ပိုရေးရှင်းဆိုင်ရာ အုပ်ချုပ်မှုနှင့် လှုပ်ရှားမှုများ

ကော်ပိုရေးရှင်းဆိုင်ရာ အုပ်ချုပ်မှု၊ လုပ်ငန်းပိုင်းဆိုင်ရာ လိုက်နာဆောင်ရွက်မှုနှင့် သက်ဆိုင်သော လှုပ်ရှားမှုများအား ကုမ္ပဏီများအဖွဲ့အတွင်း Risk Management and Compliance ဒါရိုက်တာမှ ပုံမှန် လေ့ကျင့် ဆောင်ရွက်လျက်ရှိ ပါ သည်။ ယင်းဆောင်ရွက်မှုတွင် အောက်ပါ တို့ပါဝင်ပါသည် -

      • ကုမ္ပဏီများအဖွဲ့၏ တာဝန်ဝတ္တရားများ၊ စည်းမျဉ်း၊ စည်းကမ်းများအား စဉ်ဆက်မပြတ် အကဲဖြတ်သုံးသပ်ခြင်း
      • ကုမ္ပဏီများအဖွဲ့မှ လိုက်နာဆောင်ရွက်နေသည့် ပွင့်လင်းမြင်သာသော ပေါ်လစီများ၊
      • ကျင့်ဝတ်တရားများ၊ လုပ်ငန်းစဉ်များနှင့် အခြားလုပ်ငန်းများ
      • နှိုင်းယှဉ် လေ့လာခြင်း ဆိုင်ရာ စည်းမျဉ်း၊ စည်းကမ်းများ

လေ့ကျင့် ဆောင်ရွက်မှု၏ ရည်ရွယ်ချက်သည် စီးပွားရေးလုပ်ငန်းများ ကောင်းမွန်စွာ ဆောင်ရွက်ရေးအတွက် လိုအပ်သည့် ယုံကြည်စိတ်ချမှု ရှိစေရန် ကုမ္ပဏီများအဖွဲ့အတွင်း ထိရောက်သည့် ကော်ပိုရေးရှင်းဆိုင်ရာ အုပ်ချုပ်မှု စနစ်တည်ရှိကြောင်း သေချာစေရန်၊ ဖြစ်ပါ သည်။ ကောင်းမွန်သည့် ကော်ပိုရေးရှင်းဆိုင်ရာအုပ်ချုပ်မှု ထိန်းသိမ်းခြင်းသည် ကုမ္ပဏီအတွက် ပိုမို ကောင်းမွန်သည့် လုပ်ငန်းစွမ်းဆောင်ရည် ဖြစ်ထွန်းစေရန် ကူညီပေးပြီး အစုရှယ်ယာပိုင်ရှင်များအတွက်  အလုံးစုံ ပွင့်လင်း မြင်သာမှုရှိစေရန် နှင့် အကောင်းဆုံး အကျိုးစီးပွားဖြစ်ထွန်းစေရန် ကုမ္ပဏီမှ ၄င်း၏တာဝန်များဆောင်ရွက်ရာတွင် ကူညီ ထောက်ပံ့ပေးပါသည်။

SPA ၏ စီမံခန့်ခွဲရေးနှင့် စီးပွားရေးလုပ်ငန်းများလုပ်ဆောင်ရာ လိုက်နာသည့်အချက်များအား ဤနေရာတွင် လေ့လာကြည့်ရှုနိုင်ပါသည်။

SPA Myanmar Corp Governance SPA-Myanmar Corp Governance SPA Myanmar Meeting
Corporate Governance Roll Out Meeting
Senior Executive Management Team Member and Project Directors
Head Office, FMI Centre, September 2015
Corporate Governance Roll Out Meeting
Project Directors, Senior Project Managers, Senior Management Team Members, and OH&S Team Members
Star City , Thanlyin Estate Development (TED), October 2015
ESMS Roll Out Meeting
Project Directors, Senior Project Managers, Senior Management Team Members, and OH&S Team Members
Pun Hlaing Golf Estate (PHGE), March 2015